Revelation of John 10
1ខ្ញុំបានឃើញទេវតាដ៏ខ្លាំងពូកែមួយរូបទៀតចុះមកពីលើមេឃមានពពកព័ទ្ធជុំវិញហើយនៅលើក្បាលមានឥន្ទធនូមុខទេវតានោះដូចជាព្រះអាទិត្យរីឯជើងដូចជាបង្គោលភ្លើង 2ហើយនៅក្នុងដៃមានសៀវភៅតូចមួយដែលបានបើកជាស្រេច។ ទេវតានោះបានដាក់ជើងស្ដាំលើសមុទ្រហើយជើងឆ្វេងលើដីគោក 3ទាំងស្រែកឡើងដោយសំឡេងយ៉ាងខ្លាំងដូចជាសត្វតោស្រែករោទ៍ហើយពេលទេវតានោះស្រែកឡើងផ្គរលាន់ទាំងប្រាំពីរក៏និយាយដែរ។ 4នៅពេលផ្គរលាន់ទាំងប្រាំពីរបាននិយាយរួចហើយនោះខ្ញុំក៏បម្រុងនឹងសរសេរទុកប៉ុន្ដែខ្ញុំឮសំឡេងមួយចេញពីលើមេឃមកថា៖ «ចូរបំបិទសេចក្ដីដែលផ្គរលាន់ទាំងប្រាំពីរបាននិយាយនោះទៅកុំសរសេរសេចក្ដីទាំងនោះទុកឡើយ»។ 5បន្ទាប់មកទេវតាដែលខ្ញុំបានឃើញឈរលើសមុទ្រនិងលើដីគោកនោះក៏លើកដៃស្ដាំឡើងទៅស្ថានសួគ៌ 6ហើយស្បថនឹងព្រះអង្គដែលមានព្រះជន្មរស់អស់កល្បជានិច្ចគឺព្រះអង្គដែលបានបង្កើតផ្ទៃមេឃនិងអ្វីៗនៅលើមេឃផែនដីនិងអ្វីៗនៅលើផែនដីព្រមទាំងសមុទ្រនិងអ្វីៗនៅក្នុងសមុទ្រថា៖«គ្មានពេលវេលាទៀតឡើយ 7ដ្បិតនៅគ្រានៃសំឡេងត្រែរបស់ទេវតាទីប្រាំពីរដែលលោកបម្រុងនឹងផ្លុំនោះសេចក្ដីអាថ៌កំបាំងរបស់ព្រះជាម្ចាស់នឹងបានសម្រេចដូចព្រះអង្គបានប្រកាសប្រាប់ពួកអ្នកនាំព្រះបន្ទូលជាបាវបម្រើរបស់ព្រះអង្គ»។ 8បន្ទាប់មកសំឡេងដែលខ្ញុំបានឮពីលើមេឃនោះក៏និយាយមកកាន់ខ្ញុំម្ដងទៀតថា៖ «ចូរទៅយកសៀវភៅដែលបានបើកជាស្រេចនៅក្នុងដៃទេវតាដែលឈរលើសមុទ្រនិងលើដីគោកនោះចុះ»។ 9ដូច្នេះខ្ញុំក៏ទៅហើយប្រាប់ទេវតានោះឲ្យប្រគល់សៀវភៅតូចនោះមកខ្ញុំ។ ទេវតានោះក៏និយាយមកខ្ញុំថា៖ «ចូរយកសៀវភៅនេះទៅបរិភោគចុះសៀវភៅនេះនឹងធ្វើឲ្យពោះអ្នកល្វីងប៉ុន្ដែនៅក្នុងមាត់អ្នកនឹងផ្អែមដូចទឹកឃ្មុំ»។ 10ខ្ញុំក៏យកសៀវភៅតូចនោះពីដៃទេវតារួចបរិភោគទៅហើយនៅក្នុងមាត់ខ្ញុំសៀវភៅតូចនោះផ្អែមដូចទឹកឃ្មុំលុះពេលខ្ញុំបរិភោគរួចហើយក៏ធ្វើឲ្យពោះខ្ញុំល្វីងមែន។ 11បន្ទាប់មកពួកគេប្រាប់ខ្ញុំថា៖ «អ្នកត្រូវថ្លែងព្រះបន្ទូលម្ដងទៀតអំពីជនជាតិអំពីប្រទេសអំពីភាសានិងអំពីស្ដេចជាច្រើន»។
Copyright information for
KhmKCB